Ghazal - Jee Rahee Thee Jissay Ik Jahaan Ki Tarhaan
May 11, 2007 on 12:42 pm | In Tere Naam Kee Aahat |جی رہی تھی جسے اک جہاں کی طرح
ساتھ ہے خواہشِ رائیگاں کی طرح
سارے احساس میرے بکھرتے گئے
ایک اجڑے ہوئے آشیاں کی طرح
بارشیں ہوتی رہتی ہیں دل میں مرے
اور آنکھیں ہیں اُجڑے مکاں کی طرح
دل ہتھیلی پہ رکھ کر دکھایا اُسے
وہ رہا پھر بھی اک بد گماں کی طرح!
سانحہ کوئی ایسا بڑا بھی نہیں
بس ہر اک لمحہ ہے امتحاں کی طرح
میری سنگت میں گزری ہوئی ساعتیں
تُو کرے یاد شاید گماں کی طرح
ایک مدّت سے ہوں میں سنبھالے ہوئے
رحلِ دل میں تری یاد جاں کی طرح
کس کی خوشبو سے اُلجھی ہیں راتیں مری؟
کون دل میں بسا دردِ جاں کی طرح؟
کب تلک خود کو میں مانگتی آپ سے؟
کب تلک جیتی میں گم نشاں کی طرح؟
No Comments yet »
RSS feed for comments on this post. TrackBack URI
Leave a comment
Presentation of Urdu Poetry Forum - Get RSS Feed:
Entries and comments feeds.
^Top^